Business Social

Mke bilionea Msuya kusubiri Januari 22

Imeandikwa na Admin
<p>MAHAKAMA ya Hakimu Mkazi Kisutu, jijini Dar es Salaam imepiga kalenda kesi ya mauaji inayomkabili mke wa marehemu bilionea Erasto Msuya, Miriam Mrita, na mwenzake hivyo kuendelea kusota mahabusu.</p>

Mke wa marehemu bilionea Erasto Msuya, Miriam Mrita

<p>Wawili hao wanakabiliwa na kesi ya mauaji ya dada wa bilionea huyo, Aneth Maurya, ambayo itaendelea Januari 22.</p>
<p>Kesi hiyo ilitajwa jana mbele ya Hakimu Mkazi Mkuu, Willard Mashauri, baada ya Hakimu Mkazi Mkuu, Thomas Simba aliyepangiwa kusikiliza usikilizwaji wa awali kuwa na udhuru.</p>
<p>Wakili wa Serikali, Sekiwanga Nalindwa alidai kuwa upelelezi wa kesi hiyo haujakamilika, hivyo aliomba tarehe nyingine ya kutajwa.</p>
<p>Hakimu Mashauri alisema kesi hiyo itatajwa tena Januari 22 na washtakiwa wataendelea kukaa mahabusu.</p>
<p>Mbali ya Miriam, mshtakiwa mwingine ni mfanyabiashara Revocatus Muyela.</p>
<p>Katika kesi ya msingi, washtakiwa hao wanadaiwa Mei 25, 2016 walimuua kwa makusudi dada wa marehemu bilionea Erasto Msuya, Aneth Msuya. </p>

Related Post